效力巴塞隆拿嘅墨西哥國腳馬基斯，打算向國家隊教練山齊士「請假」，唔踢6月嗰幾場國際賽，專心幫巴塞爭國內雙料冠軍。話說今季西甲踢到6月中，如果巴塞入到西盃決賽，場波喺6月尾踢，冇馬基斯影響都唔細，佢當然唔想得罪米飯班主。以佢喺國家隊嘅地位，相信山齊士會屈服，但此例一開，怕且會引發列強大牌球星有樣學樣。