由葛民輝執導，古巨基和蔡卓妍（阿Sa）主演的復活檔港片《甜心粉絲王》，前晚在旺角舉行首映，鄭嘉穎、王晶及其女兒王子涵等都有出席。阿葛透露有天拍戲見阿Sa狀態不錯，於是不讓她收工，他說：「我見佢眼神好有mood，好似劉膠玲，原來佢眼瞓。」基仔聞言不停取笑阿葛把劉嘉玲說成劉膠玲，基仔又說：「阿葛拍戲好鍾意磨爛蓆，但有場床戲又唔畀我哋磨。」
《甜》片訊息正面
近日有網友批評鄭嘉穎主唱的《寫意人生》主題曲是史上最難頂的主題曲，他說：「我有睇過，隻歌冇問題，係擺喺套劇度唔配合啫，唔係歌嘅問題。」
《甜》片講述瘋狂fans盲目支持偶像而忽略身邊人，訊息正面，但故事鋪排平板，節奏又慢，幸有幾場搞笑場面作點綴才不致悶極睡着。對於劉德華的內地瘋狂fans楊麗娟會再來港，其他歌迷發起網上簽名運動支持華仔不要再見她，基仔及阿Sa都表示會支持華仔，基仔說：「沉迷偶像係一種病，支持偶像要理性，最緊要唔好影響自己生活。」阿Sa則說：「成件事我唔覺得華仔有做錯嘢，佢係我識嘅藝人中對fans最好嘅。」
採訪：張俊銘 攝影：林德雄
