新特蘭上周六喺英冠作客贏卡廸夫城1:0,賽後佢哋有80名球迷疑因太過興奮出現過激行為,結果被拒上機而滯留咗喺布里斯托機場。新特蘭會長昆尼即伸出援手,用8,000鎊(約12萬港元)包的士送佢哋返屋企。昆尼不嬲慷慨,試過將喺告別賽所得嘅100萬鎊捐晒畀慈善機構。但如新特蘭輸波,唔知昆尼會唔會咁手鬆呢?