呢排Hybrid混能車同嗰啲被評為環保汽油私家車嘅車款，都成為咗呢期最Hit嘅Topic，當中又以日本嘅Toyota車廠擁有最多Hybrid車款；不過，份屬同鄉兼對手嘅Honda，最近都靜極思動，最近喺英國推出一款名為HondaSmallHybridSportsConcept嘅概念車，實行以此為車壇帶來衝擊。
雖然，廠方並無公布呢部走小型混能跑車路線嘅SmallHybridSportsConcept的性能表現數據，但可以肯定嘅係，廠方將會為它安排新一代的IMA系統，呢套系統由一台4汽缸引擎及小型電馬達組成，配以CVT無段變速自動波，從而達致有出色性能表現的同時，也可以造到低耗油及低廢氣排放的好處。外觀則以跑車化嘅流線形設計，加上車頭的LED燈，以及4輪20吋超大輪胎，因而令外觀看起來更具跑車氣息。
悠穎馳
豪邁不羈，愛車如命，聽幾下引擎聲就知咩車！