塞內加爾國腳廸奧夫，日前口痕提出懶醒建議，希望往常喺1、2月舉行嘅非國盃可改為喺一般歐洲聯賽結束後嘅5、6月踢！呢名麻煩友覺得球會始終係米飯班主，1、2月歐陸戰線如火如荼，無理由拋低唔理！講就講得頭頭是道，但唞暑期間，又有幾多國腳肯放棄假期打生打死，而且雙數年舉行又撞正其他大賽，到時更難吸引觀眾啦！