呢輪阿積士喺荷甲氣勢如虹,狂追榜首嘅燕豪芬至剩返3分嘅距離;可惜喺前日傳嚟壞消息,佢哋嘅老將兼隊長史譚喺周日迎荷華高斯一仗中末段勇戰傷鼠蹊,好可能要提早收「咧」。雖然史譚回歸荷蘭後成日扮大佬,經常輕出上前助攻,但佢始終有經驗又壓到場,冇咗佢,阿積士另一老將中場戴維斯就要肩負起更多助守嘅責任嘞。