尊尼偶像組合KAT-TUN風頭躉龜梨和也，上星期俾雜誌影到佢瞞住老餅女友小泉今日子參加媾女派對之後，新一期雜誌《週刊女性》又踢爆阿龜喺2月尾，同三位電視台職員去銀座高級夜總會飲酒，一晚就使咗三萬幾港銀，成個大豪客咁款。另外，據知KAT-TUN喺今個月18號面世嘅第二張大碟，初回版將會收錄赤西仁填詞嘅新歌，為佢復出鋪路。