韓國靚女宋慧喬化身古代名妓，拍攝製作費高達8,340萬港元嘅韓國古裝片《黃真伊》，阿Net知道預告片噚日首度曝光，當然要去睇吓有乜好嘢睇。嘩！長達分半鐘嘅預告片內竟然有喬妹同兩位男主角嘅床上戲，雖然只限露背同玉腿，但已經非常誘人。
對白出位
喬妹嘅兩場床上戲分別同扮演佢初戀情人嘅劉智泰，同埋愛惜黃真伊才藝嘅達官貴人劉承龍一齊拍攝。喬妹同劉智泰嗰場就講佢哋喺床上玉帛相見，喬妹仲露背示人；另一幕就係劉承龍摸喬妹嘅玉腿。畢竟喬妹出道10年都係走清純路線，今次喺《黃》預告片度露少少，已經備受當地傳媒注視。穿上華麗古裝嘅喬妹場場戲都好靚，電影商仲將呢位名妓喻為「生於16世紀的21世紀女人」，足見喬妹演出嘅角色幾開放同霸氣。
阿Net聽真預告片中喬妹嘅對白，原來都好出位，好似「把我的貞操給你，為我當龜公好嗎？」以及「哪有男人與妓女獨處一室還束手無策的？」《黃》片6月初喺當地上映，睇吓到時會唔會再畀到大家驚喜？
《黃真伊》網址： http://www.hyebaragi.com/zero/data/bbs1/Teaser.wmv
版主：阿Net
本欄逢周一至六刊出