房祖名：
「復活節嘅首選梗係《魔疫》，因為個導演我一向都好鍾意，希望呢部戲唔會令我失望。另外，楊紫瓊部《太陽倒數》我都會捧場，因為楊大姐演出，我一定要支持。」
毛舜筠：
「我會睇《戇豆放大假》同《忍者龜》，我同個女都係MrBean迷，當然會首選佢嘅戲，至於睇《忍者龜》就係捧朋友場。」
谷祖琳：
「《羅拔神奇家族》係由《超人特攻隊》班底製作，所以我好有興趣睇，加上齣動畫係講未來世界，幾啱我口味。另外，葛民輝做導演嘅《甜心粉絲王》都會捧場，睇吓阿葛拍成點。」
梁洛施：
「金像影后希拉莉絲韻係我好欣賞嘅演員，佢嘅戲我係必定捧場，所以佢演出嘅《魔疫》肯定係我復活節嘅首選。」
鍾鎮濤：
「我一定會帶仔女去睇《羅拔神奇家族》，我做晒功課，知道呢套卡通內容好勵志。《甜心粉絲王》都會睇，話晒得一部港產片，一齊支持香港電影業嘛。」
