賭王何鴻燊的三姨太陳婉珍日前大爆丈夫上月在泰國入院灌腸通便時，誤傷直腸壁，現已返港在養和醫院留醫。陳婉珍更大騷護理知識，暗示比四姨太梁安琪更勝任照顧賭王。梁安琪昨日大方認輸，直認「我唔係護士，係冇專業知識」。三姨太前晚又爆賭王康復期要坐水泡，連睡覺都要側睡，以免弄痛傷口。
賭王何鴻燊直腸發炎入院，卻無影響兩房姨太繼續去ball做善事的熱情。52歲的三姨太陳婉珍前晚穿上14萬元Valentino低胸晚裝，帶同18歲長女何超雲以及一身Gucci裝的15歲二女何超蓮，到灣仔出席東華三院聯歡晚會，同場還有薛家燕偕長女石祐珊等。
不准賭王出院
三姨太一身巨鑽行頭與長女的青春性感，吸引大批傳媒拍照。陳婉珍和超雲走到接待處時，原本要彎身簽名，由於三姨太怕走光，故即時縮沙，細細聲跟超雲說：「唔好喇，你寫啦。」超雲見狀，不知如何是好，惟有尷尷尬尬地拒絕簽名，然後再與身後不知就裏的超蓮，快步入場，並由保母代簽。
陳婉珍提到賭王病情時說：「冇事，我有整牛肉飯、豬肉飯同雞湯畀佢飲，其實佢好想出院，不過佢平日咁忙，我哋夾埋醫生唔畀佢出院，等佢休息多一兩日。佢喺醫院都繼續處理文件，好費神。」問她賭王出院後要如何護理？三姨太說：「佢要側瞓，同埋坐水泡。」
超蓮赴英留學
何超雲則透露9月將帶超蓮到英國留學，問她豈非不能拍拖？她即說：「我真係冇男朋友，上次係大家誤會，嗰個係我好朋友，我冇拍拖。」她更直認早前18歲生日時，獲賭王父親送贈一層澳門樓做生日禮物。
此外，四姨太梁安琪昨在銅鑼灣就職出任保良局總理，她謂賭王日內出院。對於三姨太暗寸她不懂護理，四姨太說：「佢唔係寸，係字眼唔同啫，陳婉珍講得啱，我唔係護士，係冇專業知識。」
至於昨日有報道指賭王長期便秘，入院驗大腸癌，記者向四姨太求證時，她即火起說：「呢個唔係事實！發神經！三太都講晒成個真相出嚟，仲要作咁多嘢？邊個講就邊個受番，邊個講就得番呢個病呀。」
採訪：吳天慧、梁錦雯 攝影：陳志嵐
