搭了近20個鐘頭飛機，終於嚟到西班牙嘅Valencia，廠方對我哋呢班來自香港嘅傳媒好好，特別安排咗新款Vito嚟接我哋去位於市中心附近嘅酒店，而負責揸車嗰位，仲要係靚女嚟㖭！
講返間酒店吖，呢間距離機場十多分鐘車程、位於市中心附近嘅HotelPalaudelaMar，完全同側邊嘅舊樓混合埋一齊，如果你要我單憑外表去搵嘅話，肯定有難度！入到去又原來另一個景象，裝修豪華唔在講，而一列列房間中央仲有個花園，住客可以喺呢度同朋友把酒言歡都無問題。可惜一到埗就係咁落大雨，搞到想出去行吓都難。唉，都係返房休息吓，準備明天試車嘅嘢好過啦！
記者：鄭達基