由松浦亞彌同藤本美貴組成嘅GAM，前日去到仙台市球場，為樂天對Orix嘅棒球賽主持開球禮，一身棒球裝打扮嘅松浦同藤本着熱褲上陣，大晒美腿，仲為樂天獻唱打氣歌《最愛樂天Eagles》。之後兩個排排企投球，藤本開出靚直球，相反松浦投唔到球，認真失威，佢仲話：「我下次一定要更努力。」最終樂天以10比1大勝對手，兩人仲俾人封為勝利女神。