周二英冠有場偏冷比賽同球迷分享，積極護級的昆士柏流浪，藉近期不錯的走勢，於主場迎擊普雷斯頓；後者作客盤路差勁，加上去仗對列斯聯先勝後敗影響士氣，昆士柏受讓平/半，下盤打鐵趁熱！（球賽編號：星期二4；香港時間明日2:45pm開賽）阿呢斯奧
昆士柏流浪近4場聯賽只被實力已達英超水準的西布朗擊倒，前維拉領隊基哥利揚言陣內士氣高漲，有信心護級成功。
「狂野雙鋒」夠煞食
儘管加拿大中場比基姆缺陣，愛爾蘭中場路蘭斯亦上陣成疑，惟「狂野雙鋒」布力史托、雷鍾斯非常煞食，聯賽合共轟入14球，與他倆咋舌的黃牌數字睇齊，而此類型「浴血」球員正可刺激整體士氣，臨場作戰肯定踢高兩皮波！
英冠「主場王」普雷斯頓，今季一旦離開廸普戴爾球場便變身軟腳蟹，作客已連輸3場兼失了8球，首席射手紐根特上仗訪列斯聯時單刀竟射失，證明狀態一般；陣內中場麥堅拿、華利倦勤，紐爾亦上陣成疑，工兵型的保夫很可能被迫擔任左翼，間接削弱了邊線攻勢。
普雷斯頓只識踢主場
再者，普軍近5場作客聯賽「讓球」盤路為1贏4輸（見附表），而且對手排名全為較低，其一是下游分子的護級心態頑強，其二是反映了他們造訪客場根本讓唔起對手！
普雷斯頓目前以68分排第4，落後次席的伯明翰6分，仍有機會爭前兩名直接升班，可惜他們上仗訪列斯聯時於領先的大好形勢下，臨完場前才反輸1:2，對球隊士氣影響很大，睇走勢似預備踢升班附加賽。昆士柏留班心切，狀態上揚，普軍作客僅得31%得勝率，又欠明確目標；主隊受讓平/半，是時候買下盤，預祝一個快樂復活節！