為紀念香港回歸，金管局當年全球發行9.7萬枚面值1,000元的紀念金幣（圖），每枚售$3,988元。回歸10年，現時市民只需約$2,500元就可在錢幣舖買到。
收買佬錢幣郵票公司負責人王宜新說，相對以往每年只售2萬個的生肖金幣，回歸紀念幣發行量太多，令不少炒家損手離場：「有內地炒家諗住炒得起，入咗好多，點知個價都未升過，結果佢哋以1,300蚊賣番出嚟。」至於其他因回歸而炒賣的貨幣及郵票，都因數量太多全部跌價，「跌得最勁係女皇頭郵票，因為𠵱家唔用得，數量唔會減，再擺10年都唔會升番。」
回歸紀念金幣價值
07年 炒價/市價 約$2,500
97年 公開發售定價 $3,988