近排越來越多藝人寫blog，估唔到連專做特技嘅香港導演羅禮賢（Bruce）都有呢個習慣，近日仲喺個blog度大爆成龍都有用替身拍戲，同埋成龍電影嘅內幕，令唔少人嘩然。
曾做楊紫瓊替身
一直聲稱唔用替身嘅成龍，就俾Bruce踢爆呢個只係一個「美麗的謊言」。Bruce話喺成龍電影入面，好多嘅飛車場面都係由佢上陣；至於俾成龍踢到飛起嘅壞人，之所以跌得咁亁脆，原來係因為Bruce預先套咗條繩喺啲壞人對腳上面，佢哋被踢時就即刻反方向用力拉條繩，觀眾咪以為成龍好似打到啲壞人飛起囉。Bruce除咗做成龍替身之外，連楊紫瓊嘅替身都做過，喺《警察故事3》入面，楊紫瓊飛車上火車一幕，就係佢男扮女裝拍嘅，真係令人意想不到。
Bruce又喺個blog度講做特技嘅專業知識，又話之所以寫咁多內幕喺度，係想俾更多人了解中國特技，要向全世界展示華人電影有幾優秀喎。
羅禮賢BLOG
網址： http://2006llx.blog.sohu.com/
