今年86歲的賭王何鴻燊，早前陪四姨太梁安琪遊泰國時神秘入院，護士出身的三姨太陳婉珍昨日公開踢爆夫君病因，原來賭王因食傷風藥致便秘5天，結果在泰國入院灌腸通大便時，慘遭大意的醫護人員誤傷直腸壁，賭王隨即返港，現仍在養和醫院留醫。賭王直腸受傷未算慘，一向愛認叻的他，遭老婆巨細無遺踢爆便秘瘀事，冇face更加慘！
賭王何鴻燊雖然年屆86歲高齡，但身體向來健康，少有大病痛，上月底他一如往年陪四姨太梁安琪到泰國慶祝生日兼度假，期間卻忽然在當地入院，原因不明，雖然事後有消息指他已康復出院，並火速返港，但賭王仍以「身體不適」為由，缺席上周六（3月31日）舉行的澳博股東會，不禁令人擔心其身體狀況。
留院觀察
「好似𠱁細路咁𠱁」
昨日賭王三姨太陳婉珍在上環出席東華三院丁亥年就職典禮，繼續留任總理的她，穿上一身端莊白色套裝示人，並帶同只得15歲的二女何超蓮到場見世面。問到賭王的病況時，三姨太直認賭王曾在泰國入院，更踢爆夫君並非重病危疾，入院全因便秘！
三姨太說：「係呀，入院住，冇乜事喇，𠵱家喺香港留緊院。因為佢去泰國之前兩日，已經便秘去唔到廁所，佢又唔出聲，點知去到泰國嘅第三日，都仲未去到，已經幾日去唔到，所以惟有喺當地醫院放大便。」陳婉珍邊說邊皺眉頭：「唔知啲乜嘢人咁唔小心啦，放嘅過程整傷咗直腸壁，呢啲地方都係好易污糟，後來搞到發炎，都好麻煩。」
問到賭王現時的情況時，三姨太說：「𠵱家冇乜事喇，返咗香港，不過仲住緊醫院，醫生話為安全計，住一陣睇吓先。」賭王入院留醫，有否煲補品給他補身？三姨太笑說：「我就要補吓，因為我日日要去醫院探佢。」賭王現時是否只能吃流質食物？三姨太答：「唔使，乜嘢都食得，不過去親探佢，都要好似𠱁細路咁𠱁佢。」
助夫通便
「要有專業知識先得」
近年不少香港人愛到泰國醫院作身體檢查及治病，院方今次如斯不小心，問三姨太可會追究索償？她說：「真係唔小心，不過件事都過咗，冇得補救，或者問吓何生想點。」提到賭王是否一向有便秘？她說：「唔係，係因為傷風，佢食咗傷風藥，所以結恭。」記者再問賭王便秘多天，初期通便的事是否由當時陪在他身邊的四姨太梁安琪處理時，護理人員出身、曾擔任賭王元配看護的三姨太即以專業口脗說：「呢啲係要專業嘅醫護人員去做，好似我咁，我咪做到囉！」那麼由她教授四姨太醫護知識，豈不方便照顧？三姨太說：「唔係教就得，要有專業知識先得。」
採訪：吳天慧
攝影：陳志嵐
