好好咁休息咗一晚，今朝又要一早起身，快快手喺酒店食完早餐之後，返房執埋啲行李，預備一陣開始嘅新C-Class試車之旅。
廠方再安排新款Vito嚟接我哋去當地嘅會展中心，沿途雖然雨越落越大，但可以唔使濕身，都欣賞到附近嘅風景，算唔錯囉！喺接近20分鐘車程之後就到達目的地，一落車除咗見到好多來自世界各地嘅傳媒正步入會場之外，仲見到分別係C320Elegance同C280Avantgarde嘅新一代C-Class，睇相睇咗咁多次，今次終於可以見到部真車，真係好開心。跟住就即刻跑上去會場，簽晒聲明書同聽完工作人員嘅簡介之後，就急不及待去攞車；試車沿途一直刮起大風同落大雨，正好考驗新車喺呢種天雨路滑嘅表現，結果係點？梗係Pass啦！
落住大雨嚟睇新C-Class嘅車尾，別有一番感受。
記者：鄭達基