葉佩雯和男友EricKwok（郭偉亮）拍拖6年，兩人同居又同公司，關係已如老夫老妻。不過近日女方卻獲年輕型男獻殷勤，日前她約新歡夜遊銅鑼灣，對方既請她到茶餐廳開餐，又帶她買泰拳用品，事後葉佩雯還直言正好藉新歡刺激男友：「等佢咪咁老定！」
現年27歲的葉佩雯，和男友郭偉亮01年撻着，至今拍拖6年。雖然33歲的EricKwok才華洋溢，但兩人在渣甸山築愛巢共賦同居，兼且份屬同唱片公司，由朝對到晚，毋怪乎女方開始尋找刺激，另結新歡玩泰拳「肉搏」。
情侶裝逛街
郭偉亮經常沉醉在錄音室中，跳脫的葉佩雯也不甘寂寞，日前便約新歡到銅鑼灣消遣。當晚約7時，葉佩雯拖新歡齊往謝斐道一間茶餐廳內撐枱腳，其新歡年約20餘歲，與她齊作情侶裝打扮，戴貨車帽及穿軍褸，二人開餐期間有講有笑，逗留約半小時，由男方埋單後離開。
現場所見，葉佩雯的男伴也相當體貼，離食肆後即截的士，偕葉佩雯到時代廣場附近購物，以免她行到攰。落車後，他率葉佩雯到一間賣拳泰用品的樓上店，女方游目四周時，還問男伴：「我想買護膝同護腳嘅pad。」對方聞言後即為她精心挑選，兩人不時並肩傾偈，表現十分親密。其後葉佩雯有斬獲，由新歡為她挽着戰利品，再跟她在街頭漫步一會後，才依依不捨送她上的士「交人」。
介紹玩泰拳
葉佩雯對於偕新歡撐枱腳兼購物，昨日在電話中說：「嗰個係我朋友，佢介紹我玩泰拳啫。之前我去泰國旅行時玩過泰拳，覺得幾好玩，返嚟之後想學，呢位朋友識得呢啲運動，所以介紹我去買嘢。」問葉佩雯會否擔心傳緋聞？她即時笑說：「好耐冇人夠膽話我傳緋聞，都好，刺激吓Eric，等佢咪咁老定，我都可以有其他男仔朋友㗎！」
採訪、攝影：娛樂突發組
