正當陶大宇同郭羨妮嘅緋聞鬧得熱烘烘之際，早排同郭羨妮傳出緋聞嘅馬德鐘，竟又被指搭上宣萱。噚日有雜誌圖文並茂寫到佢哋一齊搭的士去機場，跟住又一齊入閘搭飛機，話佢哋兩個撻着，但馮仁昭同無綫方面了解，佢哋兩個原來係去北京拍《歲月風雲》，一齊搭的士可以慳番一筆，根本冇乜特別吖！