約3年前,金融界長毛DavidWebb未能號召足夠嘅中海油街外股東,否決公司同大股東中海油集團旗下中海油財務嘅資金結算及存款關連交易安排,但係,上個禮拜五,Webb支指揮棒終於發生作用,雖然中海油董事長兼首席執行官傅成玉喺業績記者會解畫,話一切都係為股東好,不過最終都係過唔到小股東一關,今次共有45.67%小股東投咗票,其中52.23%係反對嘅,故呢個動議遭到推翻,相當於23.86%街外股東唔like中海油咁做,信唔過中海油集團,情況都咪話唔嚴重。
傅成玉:續畀貼現服務
傅成玉好識做,發新聞稿話尊重小股東決定,雖然存款動議死咗,但中海油財務會繼續提供喺佢口中係明益中海油嘅結算同埋貼現服務喎。今次都唔算係Webb第一次打敗中海油集團,04年佢亦成功呼籲中海油田服務小股東否決類似議案。
[email protected]