湯盈盈和李彩華（Rain）昨日在將軍澳錄影節目《奧運玩得叻》，湯盈盈被問到執郭羨妮二攤，接拍劇集《第三類暗戰》，她說：「吓，佢都有劇開啦，監製會搵唔同嘅人去試，自己好開心得到呢個角色，因為我都好鍾意拍喜劇。」
但盈盈對執二攤字眼頗為介意，她說：「如果咁講好難聽囉，總之每一個角色會有幾個人選，唔係執二攤，係執到寶囉！」
叫Rain帶眼識人
此外，主持在節目開始時向Rain送上太陽眼鏡作禮物，並叫她帶眼識人，問Rain知否對方所講是何人？剛巧經過的黃杏秀大叫說：「林峯呀。」Rain聞言說：「我唔識點講，大家係朋友，係拍檔，唔通佢知道有乜內幕定係成日跟蹤我？」
採訪：王崇穎 攝影：陳慧安