官恩娜近日拍攝劇集《律政新人王II》跟陳鍵鋒鬧不和，男方先篤她經常遲到，昨日在該劇的拜神儀式上，陳鍵鋒更發炮指女方的戲服非常短又透視，連底褲也可見。不過官恩娜也一再強調對方從沒有提點她要打底，並反擊說：「如果真係咁嚴重，導演同助導會出聲，邊係佢出聲呀？」
官恩娜近日拍攝無綫劇集《律政新人王II》被同劇的陳鍵鋒篤背脊，指她故態復萌，經常遲到，兩人被指不和。昨日兩位是非人物齊於將軍澳電視廣播城出席《律》劇的開廠拜神儀式，陳鍵鋒再次炮轟官恩娜的戲服非常透視，連底褲也清晰可見。
「一個月冇重複過」
官恩娜非常惹火，逢拍劇都易傳緋聞，陳鍵鋒聞言即連珠炮發說：「係呀，佢惹火到飛起，佢啲衫唔知想點，好似早兩日佢去外景着咗條白色裙，又短又透，連底褲都見埋，直到大家發現，佢至去打底，咁搞法套劇拍完出唔到會變成倉底貨。」問他見到對方的底褲是甚麼種類？陳鍵鋒說：「可愛而又劇烈嘅底，日日唔同。」官恩娜可有着過T-back？陳鍵鋒笑說：「字母底？都有嘅，一個月冇重複過，女仔太惹火要睇乜嘢情況，開工嘅話就唔係咁好，工作人員多男人，令到大家神不守舍就唔好，我作為同事都有關心同提點佢，叫佢打底。」
「邊係佢出聲呀？」
被炮轟戲服透視的官恩娜作出反擊指戲服是贊助的，並直斥陳鍵鋒從沒有提醒她叫她打底，她說：「嗰條白色裙喺廠都着過，當時唔覺得透，後尾去外景覺得透時都即刻去打底，如果真係咁嚴重導演同助導會出聲，邊係佢出聲呀？總之係我自己睇到，佢冇提過我，TVB嘅劇好健康，係合家歡時段。」問她是否底褲也日日新款？她說：「私人嘅嘢唔答，唔會日日都透視俾人睇。」
此外，記者拉攏二人合照，第一次陳鍵鋒聞言即急步走，第二次叫他們，他就拉馬國明及李詩韻合照，到最後再叫兩人拍照時，陳鍵鋒不情不願站在女方身後，不欲平排，有欠大方。
採訪：王崇穎 攝影：陳慧安
