香港首富李超人個細仔──唔係會同佢鬧交嗰個，而係三仔李嘉誠基金──再次同佢分配財產，攞1億銀捐去「長江新里程計劃」，用嚟協助10萬名殘疾人士安裝義肢、以科技助殘就業和幫助腦性麻痹兒童康復及預防呢三個項目。
咁擔任中華全國殘疾人聯合會主席嘅鄧小平大仔鄧樸方亦讚揚吓，形容呢次捐款係「慷慨人道義舉」。李超人同小鄧喺呢方面目標幾接近，兩人代表嘅組織/基金，80年已經合作，一個出錢一個出力為內地殘疾人士服務，至今已令百多萬白內障患病者復明、裝配義肢嘅個案有七萬個，而「長江新里程計劃」大大話話共捐咗成14.4億。所以國家搵咗全國人大司馬義艾買提副委員長，頒多個「卓越貢獻」獎畀超人。
[email protected]