關德興嫡孫關照洋前晚喺北角向釋永欣師傅拜師，關德興兒子關漢泉丁丁夫婦及周潤發媽媽都有出席，發媽（左）、關照洋（前）同釋師傅上台耍功夫，86歲嘅發媽話：「唔係好識得武術，不過成日有運動，有去游水。」丁丁提到個仔照洋向釋師傅學習少林功夫時話：「照洋想好似成龍、李連杰同李小龍咁成為國際巨星，所以叫佢去大澳學少林武術。」