陶大宇與相戀17年的妻子離婚成為城中熱話，一度曾傳太太梁潔華有婚外情的黃日華，昨日直指想不到大宇如此失敗，更斥大宇「17年功力咁就冇晒」，希望他將來不要因離婚一事後悔。被指是第三者的郭羨妮昨日在公開場合被追問傳情慾SMS給大宇一事時，雖然一臉無辜否認其事，但卻狂標冷汗兼頭暈，要中斷訪問躲入後台休息。
拍拖10年、結婚7年的陶大宇和黃慧寶（阿寶）婚姻破裂，阿寶直指郭羨妮是第三者，昨日明星足球隊出席「童軍毅行暨活力行2007」活動時，多年前曾傳太太梁潔華有外遇、一度令婚姻亮紅燈的黃日華，直言向大宇相勸道：「我知道嚇咗一跳，真係好可惜，佢冇理由咁失敗，做咗咁多年，兼有17年功力，咁就冇晒，希望佢第日唔好後悔。呢件事對佢同郭羨妮形象都有影響，如果佢老婆講得出，咁個消息都可能係真，表面證供成立。」
首重溝通
「唔好意氣用事話離婚」
黃日華又以自己做例子說：「我同老婆結婚19年，由訓練班至今相識28年，現階段keep得好，處理婚姻危機最緊要溝通、體諒，唔好意氣用事，唔好隨意話離婚，當年我自己好清晰，清楚發生乜嘢事，好在處理得好，冇任何事發生。」
另一方面，被指狐狸精的郭羨妮連日自稱無辜，昨日她在尖沙嘴出席「回歸十周年全城帽動預演」活動時，頭戴粉紅色花帽的她初時一臉自信，其後提到被爆送情慾SMS給大宇一事時，也明顯有備而來，她說：「我可以話畀大家聽，我冇send過呢啲短訊，呢件事無喇喇寫埋我入去。」
郭羨妮又否認大宇曾到訪其香閨，問可覺得阿寶針對她時，她說：「我唔知點解，但我唔識佢太太，亦冇見過面。」對於被指是狐狸精，郭羨妮一臉無辜地說：「做得呢行係咁，我唔會理，唔會睇。」可有想過聯絡阿寶問清楚？她說：「我冇嘢同佢講。」至於與大宇有否發展空間，郭羨妮猶豫一會兒才說：「唔會。」不過她力撐大宇沒有破壞形象。
雖然對答如流，但郭羨妮被傳媒追訪期間不斷冒汗，最後以一句「好喇，好熱」終止訪問，之後電子傳媒欲訪問她時，她又以頭暈及身體不適為由中斷訪問，由經理人攙扶往休息，小休一會後只接受無綫訪問，再休息約20分鐘，她便換上便服戴上黑超，由經理人、母親及10名保安簇擁下離場。
多謝關心
「呢啲係我家事唔回應」
陶大宇昨日得悉郭羨妮被追問情慾SMS時見暈後，在電話中說：「唔係吖嘛，天氣熱咋啩，可能傳媒畀咗壓力佢啦，我唔會刻意打電話問候佢，希望佢冇事啦！」問到郭羨妮是否曾傳情慾SMS給他，大宇沒正面作答，只說：「日日咁多是是非非，我唔會逐條問題回答啦，要答嘅嘢已經答晒。」至於黃日華給他的忠告，大宇說：「呢啲係我嘅家事，人哋點講我控制唔到，亦都唔會回應，不過華仔始終係我師兄，我多謝佢嘅關心。」
採訪、攝影：卓寶花、張俊銘、陳順禎
