現代女性外出要做勤力下屬，返到屋企就變賢淑妻子，還要擔當精明好媽媽，1人分飾3角，少啲精力都支持不住。而今日介紹的3間餐廳，與女性有個共通點，就是共用1個廚房，1位大廚服侍3批玩不同Party的客人，做Buffet做FineDinner仲做埋酒吧，好考大廚功架，大廚話：「日日都要夠新夠鮮，好似經常面對廚藝大挑戰。」
記者：梁學文
攝影：楊錦文
Model：Nicky、Zoe
大廚Harlan格言
「要服侍3間不同Style嘅餐廳，因為流量大，所以材料可以經常保持在最新鮮狀態，不過我覺得最困難係定期設計新菜式，精力要用上3倍，不過我一定要給客人創新及新鮮感，這才能逼自己進步。」
意式自助餐 意粉捲菜一咬咇汁
大廚Harlan係意籍美國人，雖然喺美國長大，不過對意大利菜亦好有研究。可以在米芝蓮餐廳當廚師就知Harlan的功力有幾深，想試Harlan煮嘅意大利菜？就要去TheBox。TheBox主打自助餐，平日下晝LunchTime都提供正宗意大利菜自助餐，而逢周未就會加入日本、泰國及印度等菜式。餐單仲會兩個星期轉1次，保持新鮮感，日日去都未必可以試勻晒！除了可以一次過試盡Harlan炮製的意式美食外，仲可以透過超大型落地玻璃飽覽維港海景，對着海景食飯，心情都舒暢啲，可以暫時放下工作及家庭壓力，好好享受一餐。
RotisserieChicken&SanteedWildMushrooms
廚房有個特大烤爐，專門用來烤雞，肉特別嫩。用野菌配烤雞，雞肉入口時多了種田園感覺。
PorkScalloPine"Valdostana"
用芝士配豬扒，芝士味夠重，亦有一種幼滑的感覺。豬扒上面放上火腿，豬肉味更濃。
Spinach&RicottaCannelloniwithCheeseSauce
闊意粉捲住菠菜再淋芝士汁，一咬，菠菜的菜汁溢出，混埋芝士味，味道一流！
TheBox（22347738）
地址：國際金融中心4樓平台4010號
自助餐收費：$198/位（暫時只提供午間自助餐）
高級FineDining 開放廚房可偷師
H1走的是FineDining路線，全店用深色設計，令餐廳多了幽雅感覺，桌椅都是特別設計，好似張櫈咁，特別加闊加厚墊，務求令客人坐得舒服啲。如果想要多點私人空間，大可以預訂房間，房間亦不會另設最低消費。但大家留意要穿合適的衣服，雖然餐廳並無規定要FormalDressing，不過着條靚裙踩對高踭鞋，打扮得淑女啲配合環境，感覺都有品味啲！
3間餐廳的廚房總部就是在H1，所以面積特別大，計埋餅房，一共有4個小廚房。由Harlan統領的廚師就有35個，在廚房入面分工合作，煮出各國特色菜式。H1主打歐洲菜式。別以為佢哋周身刀無張利，每道菜論賣相或味道都有番咁上下。如果想睇吓廚師下廚，H1特設開放式廚房座位，可以睇住廚師煮一路偷師，返屋企煮畀老公食顯吓身手。
LobsterSpiniosinPastawithSicilianTomatoes$260
龍蝦意粉的精髓在於龍蝦汁，師傅用香草同蒜茸一齊煮，再加入龍蝦熬汁，再淋在意粉上，海鮮味道好濃郁。
StirfiredImportedClam$168
用意式香草加辣椒同蒜頭煮蜆，蜆肉入口清甜，而且略帶Basil的香味。最好用麵包蘸埋啲汁食，唔好嘥！
ChickenMakhaniSpicedChicken$198
印度式的番茄咖喱烤雞，入口微辣，細嚐咖喱汁感覺比較亁身，配傳統薄餅食最正。
ChestnutMontBlocTrifle$98
全店的甜品蛋糕都是自家餅房做，保證新鮮。這款栗子茸蛋糕加雪糕，味道少少甜，栗子味亦好突出。
H1（28050638）
地址：國際金融中心4樓平台4008號
美式靚酒吧 黃昏睇靚景
飯前飯後想飲番杯，可以去GBar。NewYorkStyle的GBar同樣擁有無敵海景，亦設有室外露天座位，感覺寫意悠閒。飲到有點餓？不用怕，因為可以Order隔籬H1的食物。換句話說，唔想去咁Grand的H1，可以到GBar，感覺Casual啲。GBar夜晚有DJ打碟，氣氛比午間好。不過要數全日最佳時光，首推黃昏。GBar對正維港，日落時份維港變成金黃色，無論是喝一口DryMartini或FruitPunch，感覺同樣舒服。
Pineapple&MintMartini$98
用新鮮菠蘿同薄荷葉做Martini，清清涼涼易入口，減輕了Martini的苦澀味。
Mr.G$120
酒精成份來自Vodka，加入WildRaspberry同鮮橙，橙紅色鮮艷吸引，小心飲醉。
GBar（22347739）
地址：國際金融中心4樓平台4009號