「上網bid（競投）嘢隨時買貴幾倍，各位靚女小心！」互聯網普及，網上購物貨品不對辦、交錢後貨品無影無蹤的個案越來越多。網友suilangmui近日在親子王國討論區呼籲姊姊妹妹上網購買護膚或化妝品時要小心，部份網上賣家僅以10元入貨，在網上卻售32元，甚至99元，牟利甚豐。
Wendy解釋：「好多人懶得行街，咪上網bid嘢囉，入咗錢畀賣家，件貨就寄到屋企或者辦公室㗎啦，啱晒啲懶人。」新人類BB也附和說：「我覺得你情我願，又唔想行就要畀人賺啲錢囉。」
有網友回應稱：「同意，正如你買咗件嘢，去到第二間舖發覺平好多，唔通你又話第一間店搶錢咩？買嘢一定要格價啊！」問號媽媽也就差點中招，「有無幾倍我就唔知，但見過有個護脊書包喺超市賣49蚊，網上反而要99蚊。我有啲打個『突』囉！」