韓國女星尹恩惠喺當地係潮流教祖，前日惠妹就同當年組合BabyV.O.X隊友簡美妍去到首爾展覽館，欣賞07/08秋冬時裝表演，昅實嚟緊興乜。自從BabyV.O.X解散之後，都好少見佢同舊隊友同場出現，今次尹恩惠同簡美妍一齊睇騷，可算係在場記者一大驚喜。當佢哋坐喺觀眾席時，仲手拖手兼細聲講大聲笑，證明二人姊妹情深、友情依舊。