每年3月都係日本畢業季節，最近憑住百力滋廣告成為少男新偶像嘅18歲女星新垣結衣，就喺3月3號出席就讀嘅日出高等學校畢業禮，正式告別校園生活。雖然畢業係值得高興嘅事，但當日學校警衞森嚴，畢業典禮結束後，紮住孖辮嘅新垣揸住畢業證書，行出禮堂唔夠5秒就即刻跳上事務所嘅車匆匆閃人。