熱刺近期除了入球「大」好路，聯賽連盃賽已連開11口「大」，首名入球亦高度集中，貝碧托夫、贊拿斯、羅比堅尼和廸科爾4人，聯賽首名入球比率合計高達75%。
貝碧托夫4度「首球」
熱刺今季聯賽共有13次先開紀錄，首席射手貝碧托夫當然最威，取得4次「首球」，比率達31%，今仗成為大熱亦合理。熱刺兩位「老鼠仔」羅比堅尼同廸科爾，爭正選位難分難解，首球次數亦不約而同有2次，不過要考慮兩人通常只有1人屬正選，賠率亦不見得好分，今次不宜揀選。
相反，熱刺中場贊拿斯大勇大熟，既有遠射腳頭，又有後上頭槌攻門能力，今季已取得兩次首球，包括上仗聯賽對屈福特時先開紀錄，加上又不用代表英格蘭國家隊踢國際賽，養精蓄銳，屬今仗半冷佳品。
其餘3位曾為熱刺取得首球為廸雲樸（已轉投韋斯咸）、美度和梅菲，其中美度今季只入1球，狀態急跌，確實極為失望，故首球亦不宜憧憬這位「埃及王子」。
文：牽牛