令肌膚亁爽舒適的爽身粉，原來是鏈子「拆結」好幫手。網友virginia3344在香港互聯網站討論區說，遇到頸鏈或手鏈「打結」纏在一起，無法鬆開，「可以先灑一點爽身粉，鏈子因爽身粉而變得滑潤，所以不管纏的多緊也能輕鬆分開。」
頸鏈打結有得拆
人造首飾零售及批發商MythologyJewelry負責人Golium說，未用過爽身粉為鏈子拆結，不過他相信與爽身粉可吸走鏈子的油份有關，故較易拆結。Golium還透露原來業界一直視爽身粉為清潔人造首飾恩物：「戴得耐會吸咗人體嘅油份，因人造首飾唔可以用水洗，所以我哋會用爽身粉嚟清潔條鏈，俗稱亁洗，洗完用亁淨嘅紙巾或布抹走啲粉；仲有人造首飾擺得耐咗，容易變色，如果不時用爽身粉嚟亁洗一下，可以保存得耐啲同靚啲！」