為咗捕捉片中美國南部獨特風景，拍攝大隊去到路易斯安那州實地取景，點知拍拍吓，震動全美嘅超級颶風卡特里娜（Katrina）突然來襲，雖然大部份場景都冇受到嚴重破壞，但大隊仍然要停工一星期。事後監製有諗過移師去另一個城市拍攝，但路易斯安那州被吹襲後極度需要經濟援助，於是大隊決定拍落去，令當地人繼續有工開，因此齣戲某程度上算係賑災電影。