今日意甲播1場咁大把，真係愚人節大整蠱！有幾場無得睇但可能好賭，烏甸尼斯平手盤同埋阿特蘭大下盤都諗得過，過關拖巴勒莫平手盤及卡坦尼亞「客勝」。
今日8場意甲，其中有4場的「主客和」和波賠率都在3倍或以下，其中利禾奴對卡坦尼亞尤其離譜，得2.65倍；話分兩頭，利禾奴不嬲係下半季「做嘢」球隊，而卡坦尼亞被會方困在西西里「集中營」特訓，球員想回歸就要贏，戰意夠「客勝」可期。
再追拉素對家
唔係鬥氣，今日再追對拉素對家捧烏甸。烏甸有伊亞昆達復出，而經過兩周休戰，拉素強勢未必維持到，且教練羅斯因停賽不能督師，平手盤捧主隊烏甸。費倫作客阿特蘭大時有梅度及丹尼利停賽，缺一攻一守主將，未必讓得起平/半。
巴勒莫依然殘陣，但爭前4意欲未減；拖連奴護級壓力稍減，最近只係贏同級球隊，平手盤不如信傻豹。文：藍鑽石
貼士 混合過關
星期日14巴勒莫（平）x
星期日15阿特蘭大（下）x
星期日20卡坦尼亞勝[+1]（1.7）x
星期日40烏甸尼斯（平）4x5