浙江省委書記習近平（圖）空降上海，出任上海市委書記，打破上海幫世襲嘅傳統，對上海幫企業有乜打擊？無獨有偶，上海地產發展商上海置業，最近都宣布「去上海化」，即係要衝出上海，唔再單做上海地產生意，公司亦會改名做上置集團；唔通係怕習書記空降後，地產界冇啖好食？
上海置業主席施建當然唔會咁講，佢話，中央今次新人事變動，係希望上海發揮長三角龍頭作用，成為內地經濟文化商貿發展中心，至於上海樓市，喺新領導下，相信可平穩發展，唔會「大上大落」！
至於上海置業，喺上海做咗十幾年地產，何解今時今日至衝出上海呢？佢解釋累積多年經驗，𠵱家有條件向外發展喎！而佢哋挑選嘅瀋陽，亦配合中央振興東北嘅國策。