公仔箱推出嗰個反思人生嘅節目「我要去出埠」叫好叫座，第二輯未播完，已經有唔少藝人打第三輯主意，除咗為增加曝光率外，最主要係想乘機洗底，好似「大風遮」咁，唔理佢講嘅心底話係真係假，個節目出咗街後，都有人對佢改觀，搞到「不忠」都想博一博。
不忠之前俾人影到佢背住老婆媾女，爛滾形象深入民心，關仁聽聞佢早排搵戲劇組高層幫佢搭路，美其名話好欣賞個節目，實質係想幫自己洗底。其實成件事十畫都未有半撇，但關仁知道有人一聽到不忠個名即刻耍手擰頭，有口痕友仲講笑話，不忠最啱去紅燈區，到時佢可以反思爛滾行為，收視唔爆燈至奇。
Textby關仁