薛凱琪（Fiona）近年努力擺脫青春玉女形象，全力向港版Britney目標邁進！昨日她主持一個活動的揭幕禮時，更不經意露出誘人的黑色T-back內褲，熱力迫人，連同場的日本殿堂級設計師中野史郎都不禁大讚Fiona身形好，這就是青春無敵的威力了！
薛凱琪與日本殿堂級設計大師中野史郎昨日在青衣城主持「青衣城手塚治虫X中野史郎『愛與和平Mederno』介紹會」揭幕禮，穿着白色背心露出黑色bra帶的Fiona，應邀在台上畫畫時，不經意露出誘人T-back內褲，其後中野史郎專程為Fiona手繪漫畫人像，更透過日本繙譯說：「她（薛凱琪）的身形很好，如果要仔細畫下來，需要很多時間。」
聞讚賞不知所措
薛凱琪得知被讚身形好，竟然不知所措？她說：「唔係喇！我冇聽到，好多時繙譯都唔係好準確咁譯到個意思，就算係，佢都係話我個人好高，畫我要好長，話我比例好。」
平日愛畫畫的Fiona，今次有幸獲日本設計師送贈親繪Q版公仔肖像，她說：「好開心，有大師畫我，個樣真係有啲似小飛俠入面嘅公仔，我都有諗過出Q版figure，不過可能要遲少少，𠵱家我就設計緊一啲T恤，應該好快會推出。」
周國賢率眾剝衫
此外，周國賢組成的樂隊Zarahn前晚在堅道舉行音樂會，Fiona擔任表演嘉賓。安歌部份，Zarahn四子興奮至脫去上衣赤裸上身表演，周國賢還笑說：「我哋會永遠記得呢一日，係我哋嘅除衫日。」Fiona上台說：「上一次Zarahn演唱會以為係佢哋最後一個音樂會。」台下觀眾聞言噓她，而Fiona續說：「我唔係咁嘅意思，見你哋眼濕濕，好擔心你哋，希望大大小小嘅show，你哋都開到，叫觀眾永遠支持你哋。」
對於Fiona在台上稱擔心他們的樂隊玩完，周國賢表示：「開完音樂會明朗好多，我哋隊band一定唔會散，碟出唔到咪返去耕田囉！嚟緊會籌備唱片，希望可以喺高山劇場等多啲地方搞音樂會。」
採訪：楊潔雯、王連連
攝影：楊潔雯、陳俊強
