今日選兩支有雄厚爭霸實力嘅強勢球隊作2串1重注過關，咁啱兩隊都喺周末前做緊「2哥」嘅荷甲阿積士同英冠伯明翰。
小弟對英冠嘅投注注碼，有時會比英超更大。無他者，賭錢宜以客觀冷靜分析，英冠哪隊升降班我都毫不在乎，但各隊陣容卻耳熟能詳，賭起上嚟反而更得心應手；周五大標題貼中列斯聯W兼2:1波膽，就是一最佳例證。
我仲認為呢個社會做任何事宜以多勞多得心態對之，一分耕耘，一分收穫；賭波亦不例外，不能單靠紙上談兵。話晒我都去過英國現場睇英冠比賽，今季更俾多2、3百元訂埋公仔箱嘅英冠同荷甲直播套餐，捱更抵夜睇波，無非希望對自己下注有幫助。呢樣嘢，無得呃㗎！
講番心水，伯明翰成今屆英冠穩字派掌門人，單計近10場聯賽全部開「細」，當中5勝贏1:0，好有機會直接升班；領隊布魯士穩陣計，再借埋前曼聯名將高爾增前鋒線經驗，確信穩贏喺中游浮沉嘅高雲地利嘞，一於捧個全日1.65倍嘅鋼W！
阿積士冇「芬」心要捧
另外，阿積士全情投入聯賽爭霸；反觀宿敵燕豪芬分心踢歐冠盃。前者迎戰淨係識踢主場人造草球場嘅荷華高斯，相信淨係前鋒亨特拉爾（近兩場聯賽入5球）一個已經夠殺。
可能讓球主客和開到[-2]會嚇怕捧場客，但荷蘭波強弱懸殊，一班生牯仔順風波踢得興奮，大炒對手唔奇，捧1.9倍「主勝」，串埋伯明翰單W啦！
主客和
伯明翰勝
重心出擊
蘋果波神
狂迷英國波，尊崇雲格；成與敗，視乎你是否找到真快樂！