親友K想自助遊到巴塞隆拿「朝聖」睇波，問我使費預幾多？筆者數年前去過，機票、住宿兼睇波，如果去6、7日，慳慳地30k內應該都可以。
魯營球場真係好大，連埋副球場同其他設施，都有排行。內裏有個Museum，要收入場費，有獎盃同昔日比賽靚相等；跟住入埋魯營，感受巨大球場feel，都幾壯觀。
講番今晚，「讓球」平手盤有7場選擇，有場塔拉戈納主場鬥維爾瓦，前者高水，但佢哋今季6次主場開平手輸5次，連走盤都無，都係避之則吉。
法甲特魯瓦才是今日A級之選，就係貪佢連輸3場，而且排名又低過索察成十幾位，咁都開平手，有啲景轟，係唔係陷阱？我就信主隊嘞！
讓球：特魯瓦（平手）
策略：連輸3場反底格
戰鬥員A
玩啤牌最好要揸A，考試最緊要攞A，貼波睇實我阿A。