鄧麗欣（Stephy）、楊愛瑾（Miki）、甄穎珊和石詠莉等前晚到尖沙嘴出席女性月刊的周年活動，Miki看來圓潤不少，腰間還有少許豬腩肉，她說：「已經瘦番啦！」
誓不隆胸
Miki得悉豬腩肉暴現即緊張道：「冇理由，之前係肥咗，但冇磅過，可能有6、7磅啩，女仔要有肉，先有男仔鍾意。」
Miki自言上圍升cup，她說：「不嬲都有少少，𠵱家多咗。」提到想上圍增大可以請教甄穎珊，Miki聞言說：「打死我都唔整！」
此外，石詠莉早前單打整容的甄穎珊，前晚二人狀甚老友，石詠莉說：「冇不和，人哋誤解太深。」甄穎珊謂沒有因此不開心，石詠莉聞言搶着說：「佢唔會咁小器，唔好對號入座就得。」
採訪：駱華齡
攝影：仇志德
