最近休學返港陪媽咪嘅「圓公主」，自幼喺單親家庭長大，所以媽咪錫到佢燶，搞到佢性格好高傲，郁啲就發大小姐脾氣。
圓公主不嬲都自信心爆棚，尤其以為自己做咗纖體代言人之後，就以為自己真係靚爆鏡，見到拍攝人員係靚仔，就發晒姣，狂發電冧人。相反圓公主見到女工作人員，只要少少唔啱心水，就發𤷪𤺧鬧到人狗血淋頭。
由於圓公主同性相拒、異性相吸嘅本性唱到街知巷聞，關仁聽聞搵佢拍嘢嘅人，完全掌握晒佢嘅脾性，為咗唔影響拍攝進度，會盡量安排全男班嘅髮型師、化妝師同工作人員去服侍佢，咁圓公主立即變成陰聲細氣，大家咪可以早啲收工囉！
Textby關仁
