4月1日，除咗係愚人節，更係好多APE迷眼中的猿人節。06年猿人節，有猿人店在香港首次插旗，轟動一時。今年雖不及往年熱鬧，但始終係香港店1周年誌慶，一樣有Nigo來港贈興、1周年紀念Tee以滿足一眾猿人迷。每星期APE貨上架，都引得小龍一條，今次香港再有Exclusive版紀念Tee上場，想買Tee睇怕都要問過條大龍先得！
記者：許維雅 攝影：陳陶鈞
Model：Ben
Nigo下午巡舖
不經不覺又一年，往年開舖，長龍見首不見尾的情境還歷歷在目。轉眼間，香港開店版的「0」字Tee已搖身一變了「1」字Print的紀念Tee。沿用同一款的CamoPrint，一貫APE逐個號碼升級的風格，略嫌驚喜欠奉，這卻亦係APE迷所欣賞的堅持。另一件，以紅星BAPESTA加黑色猿人頭作Print，背面印有猿人節紀念日字樣，再有白色Bubble位置專為Nigo簽名而設，似乎這件紀念Tee吸引力較大。APE迷想得到教主Nigo大筆一揮，就要睇你彩數，只要成功買到1周年紀念Tee，Nigo於今日12時左右會落店出巡，機會難得，帶埋相機喇！
ABATHINGAPE白色1周年「APERILFOOL'SDAY」紀念Tee，背面白色圓形Bubble位置係設計給Nigo簽名。 $499
ABATHINGAPE白色1周年紀念女裝MiniTee$499
4月上架新貨即睇！
新衫方面，以Tee及PoloShirt為主，BABYMILO款式較多。鮮艷奪目的顏色配襯及粉色系列，充滿夏日氣息。
全新BAPE配件
至於Accessories，飛鷹標記的迷彩TrunkCap有齊7色，以白色最為搶眼、有型。其餘就有BABYMILOBAPEX的3色鋼帶錶及銀包，男生女生都十分啱用，必定成為必掃之列。
BABYMILOBAPE×紅色迷彩鋼錶；BABYMILOBAPE×藍色迷彩鋼錶各$3,659
Fans點睇1周年Tee？
錢嘉樂：「10幾年前已經開始鍾意BATHINGAPE，好啱自己Style，完全冇襯衫嘅煩惱。由當初只得衫褲，到𠵱家有Cafe、Salon、BB衫等，APE漸漸成為一種文化，已經係我生活嘅一部份。APE喺香港開咗之後，我都有買，但日本同時亦有好多朋友幫手入新貨，再想搵啲特別版就要上APE個網度搵，佢某啲貨要金卡會員先可以買。雖然好多人話1周年版冇乜特別，但呢個係佢嘅signature，所以我一樣支持！」
ModelBen：「係後生仔都鍾意APE㗎啦！款式簡簡單單，啲Print又夠靚！個問題係你有冇錢同捨唔捨得買㗎啫！1周年版係開幕版嘅續集，唔算太特別，反而紅星猿人頭嘅款就感覺獨特好多。如果唔使排好耐，都會買！」
討論區反應好壞參半
討論區有關於一周年Tee的討論，回應及瀏覽人數都尚算熱烈，大家對APE的討論仍有一定興趣。但真正話會去排隊買的結果就一半半，有人怕排隊、有人嫌唔夠特別，但他們都認同香港有一定數量的APE支持者。
網友金句：
Hide4ever89：「應該會有人搶的...反正其他嘢都搶開……今次1周年……唔見得有乜理由唔去搶！？」
http://www9.discuss.com.hk/viewthread.php?tid=3788392
未開賣，網上已炒緊!
APE的魅力或多或少都沿於其「炒力」驚人的因素。不少人會買些特別版、限量版即買即放。即使1周年Tee未出街未有得賣，但有人已經在Yahoo拍賣網內放貨，由原價$499的紀念版Tee叫高至一口價$700。令人百思不得其解係……都未開賣，點解佢咁有信心一定買到返嚟呢？
http://hk.f2.page.auctions.yahoo.com/hk/auction/b5830994
店舖查詢：BAPESTOREHongKong
（28689448）中環皇后大道中10號