近排車壇勁吹環保車熱潮，財爺預算案應記一功，50幾萬車都減成5萬蚊，點會唔心動吖？噚日買環保車正式開始減稅，但好多車主仲對環保車抱懷疑，唔係擔心車價貴，就係擔心架車唔夠力。《轆-Book》就專誠問皇冠車行借咗架LexusRX400h，揸足4日3夜、暴走464km作測試，結果比同車款而行汽油嘅RX350，足足慳近4成半油錢，幾萬蚊差價，唔使2年就翻本！
記者：鄭達基
攝影：陳陶鈞
模特兒：Mavis
走勻鬧市郊區：慳4成半油
為確切測試LexusRX400h確實耗油數據，我刻意在4日3夜的試車旅程中，走遍平坦的高速公路（東廊、觀塘繞道）、燈位多得嚇人兼常常塞車的鬧市（旺角、銅鑼灣），甚至連陡斜的荃錦公路也曾走過，足足走了464公里，等於機場快線由中環至赤鱲角來回6轉，結果居然連一缸油都用唔盡！只係入咗$585.85油，創下平均每公里$1.26的超低紀錄，比汽油版RX350每公里約$2.2，相差4成半！而我亦沒有改變駕駛習慣來遷就，所以這次測試數據，可算相當之客觀。值得一提係RX400h嘅LexusHybridDrive系統特別寧靜，行電始終比汽油靜，始終噪音也算影響環保的課題呢！
條數點計？
上斜試扭力：2噸重爆住去
在這次RX400h的長期測試旅程中，我曾開着它走遍全港多個地區，路段亦有平坦的也有陡斜的；而能夠令我最印象深刻的，是荃錦公路的一段。
那一晚，跟朋友吃過晚飯後，便充當「柴可夫司機」送他回家，而目的地又是錦田，正是走上荃錦公路試試車子攀上陡斜道路的能耐；起初，我曾擔心重達2噸兼且身形龐大的RX400h，走上這條陡斜兼且迂迴的山路時，會有力不從心的表現，殊不知這個擔心原來是多餘的，皆因一套LexusHybridDrive系統會按路面情況，來決定引擎是否介入運作。雖然當引擎介入時噪音會突然多了點，令車上乘客不太習慣，但此時的動力卻源源不絕，縱使前面有慢車或修路地盤所擋後再起步，還可有從容不迫的表現；要怪的，就只好怪為何波箱沒有+/-手動轉檔功能，不能讓駕駛者用盡每個波段，而那套電子四驅系統，也能令車子在彎路上有着不錯的循迹表現，在連綿的彎路上疾走，也沒有半點偏離航道。
教你5招慳上慳
慳油邊有人嫌多？今日就教多你5招，等你慳上加慳，仲要唔止環保車啱使，連傳統汽油車都Work！
1.保持定速行車，切忌突然加速或減速。
2.停車熄匙，並於高速行車時關掉車窗。
3.預早計劃最直接往來目的地之路線，免臨急周圍搵路兜。
4.將車上多餘的雜物移離，以減輕車重。
5.為車子作定期保養，以保持最佳狀態。
政府同期審批之
環保車
1.Mazda8
可搭載8人，左右雙趟門亦方便上落。
2.MINICooper手波版
造型夠潮夠In，手波配1.6公升引擎表現強。
3.Subaru
Cute造型適合女孩子，不足9萬售價亦有一定吸引力。
4.HondaStepwgn2.0
6.HondaJazz
7.BMW120i手波版
8.NissanSerena
9.BINZFaceliftE350XL
10.ToyotaPrius
11.VolkswagenPhaeton3.2V6
LexusRX400h規格
引擎：3,311c.c.V6DOHC
馬力：210ps/5,600rpm
扭力：288Nm/4,400rpm
交流電馬達
馬力：（前）167ps/4,500rpm
（後）68ps/4,610-5,120rpm
扭力：（前）333Nm/0-1,500rpm
（後）130Nm/0-610rpm
傳動：E-CVT無段變速自動波，
四輪驅動
查詢：皇冠汽車（25119430）
