陶大宇與太太黃慧寶近日因郭羨妮介入，導致離婚，全城哄動。原來大宇死黨郭政鴻一樣婚姻破裂，已與03年結婚的前妻李欣穎因意見不合而離婚，兩兄弟同病相憐，故會相約見面，互相開解一番。
憑劇集《西遊記——貳》飾演通臂猿猴一角上位的郭政鴻，與陶大宇在劇集《大時代》裏飾演兩兄弟，現實生活中更份屬死黨。正當大宇近日被揭發與結婚七載的太太黃慧寶離婚之際，原來在03年2月14日情人節迎娶廣州小姐冠軍李欣穎的郭政鴻，年前也與太太離婚，兩兄弟可謂同病相憐。
非因第三者介入
本報記者昨日致電郭政鴻，他承認早已回復單身，還說：「係呀，都好耐嘅事喇！我同太太喺一年前左右離婚，因為大家發覺性格唔係咁夾。」
續問到兩人之間是否出現第三者，郭政鴻語氣肯定地說：「絕對唔係，係大家之間感情變咗質，我哋都曾經想挽救段婚姻，因為始終都有過開心嘅日子，但大家睇嘢有分歧，與其勉強喺埋一齊，不如分開，做番朋友。」
風頭火勢拒評論
大宇近日七載婚姻也宣告破裂，與郭政鴻可謂同病相憐，問他會否相約好兄弟互相開解？郭政鴻說：「咁梗有嘅！平時我哋都會約出嚟見吓面，大家開解吓，唔發生都發生咗，冇辦法。有關大宇嘅嘢我唔會講，呢個時間風頭火勢，總之我還我，佢還佢！」問到現階段感情生活可有寄託？他苦笑說：「點會！自己心情啱啱先至平伏番，唔好搞我啦！我都係將啲時間擺喺工作方面好過！」
採訪：林妃
