前幾日去剪頭髮，同個髮型師講開賭波，佢話好鍾意買日本波，而且專攻波膽，但就唔吼熱，淨係吼冷。咁又係，日本波周不時開啲大冷波膽，第1輪廣島三箭作客贏FC東京4:2就有成70倍，上一輪千葉市原主場打和鹿島鹿角3:3亦有50倍，真係博得過。
今日兩場日本波，浦和紅鑽作客大分三神，照秤佢哋贏晒，攞晒3分冇問題；如果嫌客W同「客勝」冇肉食，可以博佢哋贏4:1同4:2，賠率分別有29倍同40倍。事關佢哋前面強後面弱，分分鐘係大手交收。
波膽：浦和紅鑽勝4:2
心得：日本波多士哥，冷門波膽博得過
青蛙仔
型人一名，細細個就睇英國、德國波，大個就攻日本波。