鼓勵社會關懷乳癌病患者的「乳你相伴」慈善圖片展，昨日在銅鑼灣舉行。周汶錡（Kathy）自爆每三個月驗身一次，她說：「我15歲時發現腋下有粉瘤，係良性纖維瘤，所以之後成日check住，以前係一年一次，但因為發現身邊好多朋友都有婦科病，所以近年就check密咗，改成三個月一次囉。」
寫真老公操刀
問Kathy見醫生時可有尷尬？她說：「我嘅醫生都係女醫生同女護士，不過呢啲係冇得尷尬，若果將來要做手術，係男醫生都要做㗎啦。」
另外，李嘉慧透露原來早前刊登姚書軼（Mikki）露點相的攝影師曾找她拍照，她說：「佢叫Mikki搵埋我一齊影，我都心郁郁想影，不過後來出咗埠冇影到，同埋有考慮過保障問題。我大肚都有着三點式、牛仔褲影大肚寫真，由老公操刀，好安全！」
採訪、攝影：RitaLeung