為慶祝劇集《逃》（PrisonBreak）收視理想，明珠台前晚於將軍澳電視廣播城一廠舉行「《逃》CelebrationParty」，招待500名廣告客戶參加，出席藝人包括湯盈盈、港姐徐淑敏、陳茵媺、葉翠翠和呂慧儀等等。現場布置成監倉，進場者先要拍攝入冊的照片，然後在扮獄警的羅莽一聲令下排隊攞飯，讓眾藝人及廣告客戶感受坐牢的滋味，認真大吉利是。
擁抱很平常
雖然前晚以監倉做主題，不過除楊洛婷願意穿上類似囚衣的黑白間T恤外，大部份藝人都以便服上陣，相反部份廣告客戶又扮獄警又扮俏Betty參加扮嘢大賽，造型搞鬼出位。
另外，湯盈盈以一身《俏Betty》（UglyBetty）打扮踩過界，又大讚《逃》劇男主角威和夫米拿（WentworthMiller）靚仔。至於被指戀上法國男的黃長興，前晚強調該法國男士是好友，自己視對方如父親，又揚言法國人比較熱情，擁抱打招呼十分平常。
採訪：王崇穎
攝影：陳偉權
