辦公室可以說是現代戰場，你識唔識得處理人際關係，會唔會俾人屈你食死貓，定係你識得建立勢力，都決定你可唔可以喺Office中生存。這個Test就睇你喺Office呢個戰場中，能否適者生存。
文：Jupiter
網址：www.magiclife.com.hk
問題：今天是愚人節，你會用以下哪種方法整蠱別人呢？
招數一 收埋別人嘅個人物品，如銀包、手袋等→A
招數二 放屁袋喺別人嘅椅子上→B
招數三 喺人哋背脊貼隻龜→C
招數四 扮可憐呃人借錢畀你→D
招數五 夾埋其他人發放假消息，令別人信以為真→E
招數六 將Wasabi放喺綠茶雪糕中請人食→F
AOffice鵪鶉仔
生存指數：65%
你係嗰種唔聲唔聲嘅人，你對朋友同事都唔會好坦白，因此佢哋唔會知道你真正想法，就算想捉你痛腳亦唔容易。正因為你喺公司夠低調，有時甚至成個隱形人咁，喺Office呢個戰場生活難唔到你！
B專玩幼稚招
生存指數：30%
你經常喺Office耍手段，自以為識玩辦公室政治，其實你的招數十分低級，可以話係幼稚園生。若遇上高手，你就招架不住，甚至會俾人玩番轉頭。如果你𠵱家正在出招，勸你快啲收手，以免反惹麻煩。
C以口傷人
生存指數：45%
你把口最叻，最鍾意篤人背脊，講人是非，唔會有鴻圖嘅謀略。雖然出口可以傷人，但同時你好容易就會給人是非精嘅感覺，對你有所避忌。倒轉諗，咁即係代表你好容易成為其他人要剷除嘅目標，都幾危險！
D靠演技博同情
生存指數：90%
你有一流的演技，經常裝出一副好人、善良嘅模樣，其他人好容易被你呃到。由於你是Office的「大好人」，即使你耍手段，其他人亦唔會估唔到係你嘅所作所為，有時甚至會處處保護你，喺公司中，是適者生存的佼佼者。
E牆頭草四圍擺
生存指數：99%
你最識拉攏同事以建立自己嘅勢力，或者喺公司搵個大靠山Backup自己。你又好識得睇眉頭眼額，好多時見邊個得勢就會埋邊個堆，有時又玩吓辦公室政治，希望保住自己嘅地位，所以你喺Office嘅地位絕對係穩如泰山。
F陰招專家
生存指數：80%
如果你要出招耍手段，你會喺神不知鬼不覺嘅情況下落手，所以好多人都會喺不知不覺中俾你中傷而不自知，仲會繼續同你做老友。你亦好識得保護自己，有乜事都能隨機應變，喺辦公室中自然容易生存。