郭富城經理人小美嘅媽媽伍桂煥，上月18日病逝，終年80餘歲，噚日家人為佢喺香港殯儀館設靈，喺泰國拍戲嘅城城噚晚趕返港，今日會出席喪禮。原名梁美薇嘅小美噚日下晝4點同爸爸梁桂榮到場，佢神情哀傷，雙眼通紅。李克勤噚晚近7點都有親往致祭，而李澤楷就以英文名RichardLi送上花牌。小美亡母今日下晝大殮儀式後，遺體隨即火化。