周日西甲聯尾場賽事，由兩支歐協盃8強球隊交鋒，奧沙辛拿挾主場14年未嘗敗予西維爾佳績，就算有前鋒蘇爾達杜停賽，也足以保不敗；奧沙辛拿受讓平/半宜捧下盤。（球賽編號：星期日41；有線61台明日3:00am直播）
奧沙辛拿今仗其實陣容頗殘，首席射手蘇爾達杜和後衞古拿停賽，中場賓奴、達樸廸和荷西素也因傷缺陣；不過球隊主場一向硬淨，而且前鋒米路斯域、中場魯爾加西亞等也頗具級數，攻力未算太差。
西維爾攻力難靠
而且奧軍主場例剋西維爾，翻查往績，奧軍近14年主場未嘗敗予西維爾，而近3次交手更全贏，今仗受讓甚「筍」。西維爾原本力爭西甲冠軍，應該秤先，但此軍戰意確實「有問題」，經常作客弱旅失分。西維爾近6場聯賽作客只得1勝3和2負，前仗作客塔拉戈納更以0:1敗走，極為「肉酸」；而且西軍前鋒路爾斯法比安奴自停賽期滿復出後，未嘗入波，腳風遠不及季初。
俄羅斯前鋒基沙哥夫亦代表國家隊出戰歐國盃外圍賽，或受國際賽後遺症影響；單靠簡路廸，西軍攻力並不可靠，實在讓唔起主隊。
文：牽牛