噚日同大家提過，話我哋一行人喺德國慕尼黑機場，等轉機去西班牙Valencia嗰陣，喺機場見到好多新款Mercedes-BenzC-Class嘅廣告，但原來仲有一樣好特別嘅嘢，令到我哋精神為之一振喎！
究竟係咩呢？喺機場入面行來行去嘅靚空姐當然係其中之一啦，但原來答案其實係喺登機閘口附近，有個去年德國舉行世界盃時，其中一個作宣傳用嘅縮水版球場，變成供旅客休息嘅地方；外觀同真嗰個無分別，而外圍嘅燈光更會變紅或變藍，而內裏嘅地板更設計到好似成個球場咁，幾正㗎，只可惜趕住上機，影唔切入面個環境畀大家睇。
記者、攝影：鄭達基